Iade a Verona

IADE  DLES TLASSES 2. LIZEUM Y 2. ITC DA LA ILA

Ai 24 y ai 25 de mà unse nos secundes tlasses dla scora alta da La Ila albü l’ ocajiun da tó pert a n iade a Verona.  I sun pià ia da doman adora por ruvé a Lazise incër misdé, olache i ùn spo vijité l’ parch de devertimënt “Movie Studios”. Chilò unse podü passè n pêr d’ ores in compagnia y i ùn aprofité de chësta ocajiun por capì damì sciöche al vëgn laorè cun i films. Do cëna unse ćiamò fat na picera roda te cité. L’ dé do se aspetâl na guida istrutiva che se à acompagné fora por la cité de Verona y s’ à mostrè i monumënć plü importanć dla cité, sciöche : l’ Arena, “Castelvecchio” y l’ sorà  de Giulietta. Do marëna sunse spo pià zoruch cuntra ciasa, mo denant se unse archité a San Martino della Battaglia, olache i ùn podü imparè val’ cossa sura la vera de indipendënza. Incër les nü sunse spo rovà a ciasa.
I ringraziun i professurs che se à acompagné y düć  chi che à contribuì pur fà garatè chësc iade. Inće sce al é stè valgamia da stanćé, se tularanse para de bi recorć de chësc bel iade.

Elena Frenademetz y Romina Bernardi