En vëndres, ai 29 d’aurì él stè a Sëlva tla sënta dl Istitut Ladin Micurà de Rü la premiaziun dl concurs leterar „Dolomites-Unesco“, scrit fora dal’Intendënza ladina cun le sostëgn de tröpes d’atres istituziuns ladines.
Le concurs se tolô dant da porvé da lié i scolars te so lingaz dla uma al patrimone cultural y natural de nosc bel raiun ladin dolomitich.
Danter i premià nes àl fat dër plajëi da podëi inće avëi trëi de nüsc studënć tla categoria scores altes:
Filippo Frontull (1° Lizeum Linguistich) à davagné le secondo pest cun n pice film dër plajor y simpatich sura les Dolomites.
Le cuarto pest tla medema categoria é jü a Marco Granruaz y a Manuel Valentin (2° tlassa ITC) pur na süa opera leteraria interessanta y bun punsada. Complimënć a düć trëi!
An po dì che al é stè dër na bela festa y inće les tröpes autoritês fora dl monn dla scora y dla cultura presëntes à orü sotrissé deplü iadi l’importanza y l’valûr de chëstes iniziatives. |  |
