Edema d’orientamënt
Edema d’orientamënt
Gnì a scora sënza libri y sföisc ne é nia na cossa da vigni dé por studëntes y studënć, mo avisa chësta esperiënza é gnüda fata dales cuartes tlasses dl Istitut tecnich Comerzial y dl Lizeum Linguistich da La Ila tratan l’edema dai 18 ai 23 de otober 2010. Tl cheder de n’edema de orientamënt profescional à les 4° tlasses imparè a conësce damí l’economia dla Val Badia, jon a vijité deplü istituziuns, aziëndes y sorvisc. Esperć de desvalîs seturs dl’economia, mo inće dl monn dl volontariat y dla cultura é indere gnüs te scora a informè les studëntes y i studënć söles poscibilitês de laûr te nosc raiun, di trûs de formaziun y dl marcé dl laûr. Le studëntes y i studënć à ciafè insciö n cheder de ći che le monn dl’economia pîta y se ghira, dla gran valüta di sorvisc soziai te nosta valada y dl’ importanza dl’impëgn tl volontariat por nosta jënt.
N rengraziamënt particolar ti va al’insegnanta Dr. Karin Oberbacher cher à organisé l’edema d’orientamënt y a dötes les aziëndes y les istituziuns che à tut pert a chësta manifestaziun.
