Fin dl ann de scora 2010/2011

Sciöche al é tradiziun, à la comunité dles scores altes da La Ila stlüt jö l’ann de scora cun na picia festa in jöbia, ai 16 de jügn 2011.

Do la Santa Mëssa tla Dlijia da La Ila se à  les studëntes, i studënć, le personal insegnant y nia insegnant incuntè y ciarè zoruch ai 9 mëisc de leziuns passà adöm. Le diretur Albert Videsott à rengrazié dötes cantes chëres y düć canć chi che se à impegné y à contribuí a lascè garatè bun le laûr educatif y didatich. Fajon n bilanz dl ann de scora  al sotrissé la buna colauraziun danter families y scora, alzè fora l’importanza de na buna formaziun por le monn modern y premié les mius studëntes y i mius studënć cun n liber. Le cor dla scora sot ala direziun de Konrad Tavella à abelí la festa cun n valgönes de beles ćianties. Les scores altes da La Ila ti aôda a düć i geniturs, studëntes/studënć y colauradûs de bones vacanzes da d’isté.