Dé pedagogich 2011
Dé pedagogich 2011
In mercui, ai 18 de mà 2011 à les insegnantes y i insegnanć dles scores altes da La Ila tut pert a n dé pedagogich. Adöm ales insegnantes y ai insegnanć dl Istitut tecnich comerzial “Raetia” y dla Scora d’ert “Cademia” de Urtijei à le personal de nosta scora imparè a conësce prinzips y metodologies che porta pro a organisé n insegnamënt efiziënt y modern. I reladûs Egon Fischer y Paul Gehrich dla plataforma pedagogica IQUES online à alzè fora l’importanza dl’insegnant/a te scora, splighé trus por ativé les studëntes/i studënć tles leziuns da vigni dé y mostrè sö sistems por favorí le laûr de grup. “Na scora ne pó mai ester miú co sües insegnantes y sü insegnanć” – insciö i reladus, y porchël paiel la mëia da se fa pinsiers sura les metodologies d’insegnament. Inće les insegnantes y i insegnanć à laurè da susc y te grups, desmostran n gran interes por les tematiches tratades y portan ite sües esperiënzes de laûr.
Le dé pedagogich 2011 é gnü organisé in colauraziun danter l’Ispetorat por les scores ladines, le Departemënt Scora y Cultura ladina y les scores altes da La Ila.
