Raiffeisen Assessment Center
Raiffeisen Assessment Center
Ai 17 de forà à les scores altes metü a jì in colaboraziun cun la Cassa Raiffeisen Val Badia n assessment-center. Le assessment-center é n sistem che vëgn al dedaincö adorè da de gran aziëndes por l’archirida dl personal che tolarà ite posć de laûr de gran importanza. Do le salüt dl diretur dla Cassa Raiffeisen Val Badia dot. Hubert Obwegs à i esperć dr. Lukas Kiesswetter y dr. Klaus Schwarz portè dant ala 5° tlassa ITC i punć fondamentai de chi che an mëss tignì cunt sce an ô avëi suzes te na conversaziun cun n datur de laûr. La tlassa se à preparè bun a chësc dé, imparan tecniches da se presentè, da argomentè y da baié cun tliënć. Le 17 de forà è stè por la 5° tlassa ITC n dé de scora interessant che à pitè ales studëntes y ai studënć l’ocajiun de fá n’esperiënza de valüta y de gran ütl por le dagnì.
