N dé de scora a Bornech
N dé de scora a Bornech
In mertesc, ai 25/10/2011 à la 4° tlassa ITC, la 5° tlassa ITC y la 5° tlassa LL passè n dé de scora a Bornech, tolon pert a deplü manifestaziuns.
Les tlasses à vijité le Zënter por l’orientamënt profescional da Bornech, olache ares à ciafè dala consulënta dot. Marlene Irsara informaziuns sura le poscibilitês de formaziun universitara y parauniversitara y podü inrescí tl’infoteca dl zënter. Chirí fora le tru profescional do la scora alta ne é nia dagnora saurí, y porchël é chësta incuntada dessigü stada por n valgügn studënć n pröm vare important de chësc vers.
Cun les insegnantes Verena Pizzinini y Ester Tavella é les tlasses spo jüdes dales 11:00 a ciarè le teater « Pitchwatch » tl Kolpinghaus ; le teater é gnü lit y arjigné ca tratan les leziuns de inglesc te scora.
Dales 13:15 à les 5° tlasses scuté sö na relaziun dl colauradù dl Ofize dl laûr Giorgio Costabiei che ti à portè dant informaziuns sura le marcé dl laûr te nosc raiun y dè consëis por chirí fora le dër’ tru por le dagní.
