Jita da d’altonn
Jita da d’altonn
In jöbia, ai 22 de setëmber 2011 à les studëntes y i studënć dles prömes tlasses fat süa jita da d’altonn. Chësta manifestaziun pîta suradöt n’ocajiun por stè adöm, por imparè da se conësce damì, por passè n pêr de ores deboriada defora dai mürs de scora. L’insegnanta Ellen Irsara y l’insegnant Sepl Zingerle à menè les tlasses tres le “Tru di artisć” ćina a San Ćiascian, olache le paleontologh Herwig Prinoth à spo mostrè ales studëntes y ai studënć le museum “Ursus ladinicus” , dè tröpes spligaziuns söla strotöra museala nöia y cunté sö les particularitês dles laûrs che viô dan da plü de 30.000 agn te nosc raiun. Do na palsa tl raiun dl sport da San Ćiascian é le grup jü fora por le “Tru di lersc” y rové incër les 15.30 a La Ila. |