Direkt zum Inhalt | Direkt zur Navigation

Contact info
Istituti d’istruzione secondaria di secondo grado delle località ladine
Str. Ninz 13
I - 39030 La Ila / Badia
T. 0471/847252
itc.la-ila@schule.suedtirol.it
Benutzerspezifische Werkzeuge

Edema de pratica

Edema de pratica

 cuarta_classe

La cuarta tlassa dl Istitut Tecnich Comerzial à fat ala fin de jenè n’edema de pratica te deplü aziëndes y istituziuns dla Val Badia. I posć de laûr che les studëntes y i studënć à ciafè é stà dër desvalîs – dales scolines y scores elementares ai hotels, dales assoziaziuns turistiches ai stüdi da comerzialist, dales boteghes ales sozietês de lifć, da na staziun forestala al Istitut Ladin Micurà de Rü. Le fin dl’iniziativa ê tler: Les studëntes y i studënć dô ciafè la poscibilité  de cuché ite tl monn dl laûr, de renforzè sües competënzes soziales y de ciafè impulsc por süa archirida personala de n tru profescional tl dagnì. Vigni studënta y vigni studënt é gnüda assistida / gnü assistì da n insegnant dla tlassa che à tignì i contać cun les aziëndes.
Ala fin dl’edema é dötes les studëntes y düc i studënć ciafè na valutaziun  da pert  dl’azienda/istituziun  Tla valutaziun él gnü dé na gran  pëis ala puntualité, ales bones manires, al laurè avisa y ales competënzes linguistiches. Ćiaran zoruch é l’edema de pratica stada zënzater n’ esperiënza de gran ütl che à ince portè ite n vënt nü amesa l’ann de scora.
Fa incuntè les jones y i jogn cun le monn dl laûr y dl’economia dla valada é n obietif important dles scores altes da La Ila. Mo al ne podess nia gnì arjunt sce i daturs de laûr dla valada ne odess nia ite l’importanza de chëstes iniziatives. Le scores altes dij porchël dër bel dilan a chëstes aziëndes y istituziuns:

Assoziaziun turistica – Al Plan
Assoziaziun turistica – La Ila
Hotel Carmen – Al Plan
Kostner Andreas Srl – Corvara
Istitut Ladin Micurà de Rü –San Martin de Tor
QBUS – Badia
Scolina – Al Plan
Scolina – Corvara
Scora elementara – Corvara
SEGEDA DATACONS Srl – La Ila
Skiarea Miara Srl – Al Plan
Staziun forestala – La Ila
Studio COM.E.D.A. – La Ila
Studio Verginer SE.VE. – Al Plan

Artikelaktionen