Evaluaziun interna 2012
Evaluaziun interna 2012
L’evaluaziun interna 2012 se à dè jö cun les strategies y les ativitês metüdes a jì dala scora por garantì n bun tlima de laûr y dè inant ales studëntes y ai studënć regoles de comportamënt importantes te y fora de scora.
Aladô dles indicaziuns dades dant ti orientamënć pedagogics dla scora él gnü laurè fora n chestionar cun domandes por les studëntes, i studëntes, les insegnantes y i insegnanć.
Dales respostes dades jö vëgnel fora che les studëntes y i studënć é generalmënter cuntëntes/cuntënć dl’atmosfera tles scores altes da La Ila. Te scora ne vëgnel toleré degönes formes de violënza, y les regoles dla convivënza é tleres ala gran pert dles studëntes y di studënć.
Dl ater vers se aôda les studëntes y i studënć na maiù uniformité tl comportamënt dles insegnantes/di insegnanć y deplü ativitês por imparè da se comportè sciöche al toca tla sozieté dal dedaincö. Na pert dles studëntes y di studënć arata che les compagnes /i compagns de scora ne desmostres nia dagnora de bunes manires tla vita scolastica da vigni dé.
Les insegnantes y i insegnanć á analisé i resultać dl’inrescida y se à tut dant da mëte a jì aziuns concretes de chësc vers.