Artday 2011
Artday 2011
Adöm ales studëntes y ai studënć dl Istitut Tecnich „Raetia“ y dl Lizeum d’Ert „Cademia“ à dötes les tlasses dles scores altes da La Ila tut pert in jöbia, ai 6 de otober al’ Artday 2011. L’Artday é na manifestaziun che vēgn metüda a jí a livel nazional y se tol dant de sotrissé la gran importanza dla creativité tla formaziun dles jones y di jogn dal dedaincö.
L’organisaziun à partí sö les studëntes y i studënć te 28 grups, ti pitan insciö la poscibilité de laurè ia por le danmisdé te tröć workshops manajà da espertes y esperć che à porté dant formes desvalies de laûr creatif: pitöra, dessëgn, musiga, teater, bal, scritöra creativa, reportaja, grafiti, sport, bodypainting y i.i.
L’Artday à inće pité l’ocajiun de sensibilisé i jogn y les jones dles scores altes ladines dl vers dla compedada dla jënt y dla detlaraziun de portignënza al grup linguistich 2011. De chësc vers à l’Artday surantut y dè inant le slogan : “Sambëgn ladin, sambëgn ladina”.
