Jita da d’altonn dles prömes tlasses
Jita da d’altonn dles prömes tlasses
Por les prömes tlasses dles scores altes da La Ila à l’ann de scora 2013/2014 metü man cun na manifestaziun particolara. Ai 19 de setëmber à n’ esperta tignì ales tlasses na relaziun sura n sport bindebo nü por nosc raiun, l’orienteering.
Dedô é les tlasses jüdes adöm al’insegnant Sepl Zingerle y al’insegnanta Raffaella Zingele sö Calfosch, olache les studëntes y i studënć à podü se mosoré te na competiziun de chësc sport.
Domisdé à le grup passè n valgönes ores tl “Adventure Park Ciaslat”. Fajon i percursc söi y danter i lëgns se à les mitans y i mituns devertí, mo suradöt imparè da se conësce damí y da stè adöm te süa nöia comunité de scora.