Scomenciamënt dl ann de scora 2014/2015

Scomenciamënt ann de scora 2014/2015
Scores altes La Ila

Ai 08 de setëmber à metü man l’ann de scora 2014/2015. Do na funziun religiosa te dlijia se à la comunité dles scores altes da La Ila incuntè tl’entrada dla scora por scomencé adöm n tru nü. Le diretur Albert Videsott á tut ite les studëntes y i studënć, à salüdé döt le personal y ti à aodé n bun ann de scora a dötes y a düć. Te so discurs à le diretur alzè fora la gran valüta dla formaziun tl monn dal dedaincö y racomanè ales studëntes y ai studënć da s’impegné dassënn por podëi costruì dé por dé la fondamënta por le suzes tl monn dl laûr y dl stüde universitar. Ales insegnantes y ai insegnanć ti à le diretur metü a cör da acompagné les jones y i jogn te so tru formatif, da ti stè dlungia tles dificultês y da ti dè para la vëia y les capazitês por ester bunes/bugn da se ciafè ite te na sozieté olache le savëi y la formaziun ciafa tres na maiù importanza.