Jita da d’altonn
Jita da d’altonn
Les prömes tlasses dles scores altes da La Ila à fat in mertesc, ai 16/09/2014 süa jita da d’altonn. Por les studëntes y i studënć él stè n’esperiënza particulara, deache ares/ai à podü imparè a conësce damì sü nüs compagns y sües nöies compagnes defora dai mürs dla scora.
Les tlasses é jüdes a pé adöm cun l’ insegnant Sepl Zingerle y les insegnantes Sara Clara y Raffaella Zingerle sö Corvara y Calfosch, olache les studëntes y i studënć à tut pert a na competiziun de orienteering. Domisdé à le grup passè n valgönes ores tl “Adventure Park Ciaslat” y podü se devertì fajon percursc desvalîs y arpizan sö por i lëgns.
