Scomenciamënt ann de scora 2013/2014

In jöbia, ai 5 de setëmber à metü man tles Scores altes da La Ila l’ann de scora 2013/2014. Dô la S. Mëssa tla dlijia da La Ila à le diretur Dr. Albert Videsott saludé dötes les studëntes, i studënć, les insegnantes, i insegnanć y le personal de scora y ti à aodè tröpa ligrëza y suzes tl ti mëisc che vëgn. N salüt particolar ti ál sport ales mitans y ai mituns dles prömes tlasses che é in chësc ann por le pröm iade tla scora alta.
Le diretur à dit che na scora é tresfora n post olache al vëgn laurè dassënn por fa sö le dagnì dla jënt jona y de nosta sozieté. Porchël àl invié düć a se porvè, a s’impegné y a laurè deboriada por podëi costruì adöm savëi, competënzes, mo inće i valurs che tëgn sö nosta jënt y nosc monn.

Dedô à les insegnantes y i insegnanc despartì fora tles tlasses deplü informaziuns en cunt dl ann de scora nü.