Dè pedagogich

Dé pedagogich 2014 – Scora y media

In mercui, ai 26 de merz 2014 à les Scores altes da La Ila metü a jì n dé pedagogich cun le tema “Scora y media”. Les insegnantes y i insegnanć se à dé jö cun tematiches desvalies liades  al’adoranza di media te scora. Tan de lerch ti vëgn pa dada tl insegnamënt y co po pa la scora svilupé  les competënzes dles studëntes y di studënć da chirí, anuzé y valuté informaziuns? Ći competënzes vëgn pa damanades dal monn dl laûr? Tan inant dess pa la scora eduché les jones y i jogn da anuzé cun responsabilité les nöies tecnologies tl ćianp dla comunicaziun ?
Te deplü grups de laûr à les insegnantes y i insegnanć metü man da laurè fora n conzet en cunt dl’educaziun al’adoranza di media te nosta scora.