Pistoia

De bogn resultać a Pistoia

Na delegaziun dles Scores altes da La Ila à tut pert ai 6 de dezëmber 2012 cun arjunt dër de bogn resultać ala gara nazionala da saltè “Una corsa per la vita” a Pistoia. Alexander Ploner (3° ITE) à arjunt le 4° post te süa categoria, y inće la scuadra di mituns (Alexander Ploner, Matteo Ploner, Marco Sottara, Matteo Canins) ne é por püch nia rovada söl podium.  Alex Verginer (4° ITC) se à tlassifiché al 7° post, Sofia Targhetta (3° LL) al 9° post te süa  categoria.
La gara da saltè “Una corsa per la vita” vegn metüda a jì vigni ann por studëntes y studënć de scores altes de döta la Talia; por Südtirol à tut pert in chësc ann scores altes da Mals, Balsan y La Ila. La gara é n’ocajiun por se mosoré tl sport, mo inće por fa esperiënzes y imparè a conësce jogn y jones de atri raiuns.