Movimënt y devertimënt sö Calfosch

Movimënt y devertimënt sö Calfosch

In jöbIa, ai 13 de setëmber 2012 à les prömes tlasses dles Scores altes da La Ila tignì süa jita da d'altonn. Al é stè n dé de sport, jüch y compagnia. Les tlasses é jüdes sö Calfosch y à imparė a conësce l'ativité l’ orienteering, n’ativité sportiva plütosc nöia por nüsc raiuns. Dedô ares passė n valgönes ores tl Adventure Park Ćiaslat, olache les studëntes y i studënć se à devertì jon da n lëgn al ater. Inće sce le tëmp ne â nia cis daidé, é chësta jita stada na bela esperiënza che â pite na buna ocajun por imparè se conësce damì y stè adöm defora dai mürs de scora. Les tlasses é gnüdes acompagnades dal insegnant Sepl Zingerle y dal'insegnanta Claudine Saltuari.