L'ombolt te tlassa
L'ombolt te tlassa
Sön invit dl’insegnanta de materies iuridiches Dr. Michaela Willeit à l’ombolt de Badia Iaco Frenademetz incuntè in mercui, ai 21 de aurì les studëntes y i studënć dla cuinta tlassa ITC. Tratan l’incuntada él gnü baié de tröc argomënć iuridics che è bel gnüs tratà a livel teorich tles leziuns de scora. Iaco Frenademtz à prejentè l’ativité dl’aministraziun comunala, i compić de n ombolt y les particularitês dl comun de Badia. Le studëntes y i studënć à desmostrè n gran interes fajon tröpes domandes al ombolt, |
suradöt sura tematiches liades al fabriché y al problem dles secundes ćiases ti raiuns turistics. Aladô dl’ombolt ciararà l’aministraziun comunala inće tl dagnì de ti pité ai jogn dl post la poscibilité de se fà sö na ćiasa.
L’ombolt à invié les studëntes y i studënć da se interessè por le comun y da tò pert ala vita politica locala. Al à inće invié les studëntes/i studënc a na sentada dl Consëi de comun de Badia.
Le scores altes da La Ila rengraziëia l’ombolt Iaco Frenademetz por süa disponibilité da gní te scora, por sües splegaziuns dër tleres y por i consëis che al à dè ales studëntes y ai studënć dla cuinta tlassa.
