Campionać mondiai di studënć
Campionać mondiai di studënć
De bogn resultać à arjunt la scuadra dles scores altes da La Ila ai campionać mondiai di studënć che è gnüs organisà tratan la pröma edema de merz a Folgaria. I atleć Luca Crepaz, Alessandro Dapunt, Christian Rottonara, Massimiliano Rudiferia y Hannes Zingerle à raprejentè dër bun nosta scora tulon pert ales gares tla categoria “Boys” y rovan cuarti tla tlassamënt dles scuadres dô i atlec todësc, franzesc y austriacs.
Da alzè fora é les gran prestaziuns de Christian Rottonara (2° tl slalom lerch) y Hannes Zingerle (2° tl slalom).
| | |
Complimënć a düć 5 i atleć y n gran dilan al’insegnant de educaziun fisica Sepl Zingerle che à acompagné i studënć ai campionać mondiai; les gares ne é nia ma stades na manifestaziun sportiva de n livel dër alt, mo inće na festa, na beliscima esperiënza y na gran incuntada de jones y jogn da döt le monn. N rengraziamënt ti va inće a Brigitte Pedevilla dl Sorvisc por le sport d’Intendënza ladina por so gran laûr de coordinamënt y l’aiüt che ara à dagnora sport ala scuadra de nosta scora.
